You are here
Home > ଏକ୍ସକ୍ଲୁସିଭ୍ > ବିଧାନସଭା ସରିବା ପରେ ମହାନଦୀ ଆନ୍ଦୋଳନକୁ ଓହ୍ଲାଇବ ବିଜେଡି,ଗାଁରେ ରାତି କାଟିବେ ନେତା ବିଜେପି ବିରୋଧରେ ଲୋକଙ୍କୁ କରିବେ ସଚେତନ

ବିଧାନସଭା ସରିବା ପରେ ମହାନଦୀ ଆନ୍ଦୋଳନକୁ ଓହ୍ଲାଇବ ବିଜେଡି,ଗାଁରେ ରାତି କାଟିବେ ନେତା ବିଜେପି ବିରୋଧରେ ଲୋକଙ୍କୁ କରିବେ ସଚେତନ

ଭୁବନେଶ୍ୱର : ବିଧାନସଭା ପରେ ମହାନଦୀ ଦ୍ବିତୀୟ ପର୍ଯ୍ୟାୟ ଆନ୍ଦୋଳନକୁ ଆଗକୁ ନେବାକୁ ନିଷ୍ପତ୍ତି ନେଇଛି ବିଜେଡି । ମେ ଦ୍ବିତୀୟ ସପ୍ତାହରେ ମହାନଦୀ ସମସ୍ୟାକୁ ନେଇ ଗାଁକୁ ଯିବ ବିଜେଡି । ଗାଁରେ ରାତି କାଟିବେ ବିଜେଡି ନେତାଏ । କେନ୍ଦ୍ର ଓ ଛତିଶଗଡ ସରକାରଙ୍କ ମହାନଦୀ ଷଡଯନ୍ତ୍ର ସଂପର୍କରେ ଲୋକଙ୍କୁ ବୁଝାଇବେ ।
ମହାନଦୀ ମହାପ୍ରସଙ୍ଗକୁ ହାଇଜାକ ହେବାକୁ ଦେବନି ବିଜେଡି । କଂଗ୍ରେସ ମହାନଦୀ ଆନ୍ଦୋଳନକୁ ଓହ୍ଲାଇବା ଆଗରୁ ମହାନଦୀ ଆନ୍ଦୋଳନକୁ ପୁଣି ଯୋର କରିବ ବିଜେଡି । ଏନେଇ ବିଜେଡି ରାଜ୍ୟ କାର୍ଯ୍ୟାଳୟରେ ବସିଥିବା ଦଳର କୋର କମିଟି ବୈଠକରେ ନିଷ୍ପତ୍ତି ହୋଇଛି । ବୈଠକରେ ବିଜେଡି ଉପସଭାପତି ସାଂସଦ ପ୍ରସନ୍ନ ଆଚାର୍ଯ୍ୟ,ଉପସଭାପତି ଦେବୀ ମିଶ୍ର,ସାଂସଦ ପ୍ରତାପ ଦେବ,ବିଧାୟକ ପ୍ରଣବ ପ୍ରକାଶ ଦାସ,ଅତନୁ ସବ୍ୟସାଚି ନାୟକ ପ୍ରମ୍ମୁଖ ଉପସ୍ଥିତ ରହି ଆନ୍ଦୋଳନର ରଣନିତୀ ପ୍ରସ୍ତୁତ କରିଥିଲେ । ପରେ ସେମାନେ ନବୀନ ନିବାସ ୍ୟାଇ ବିଜେଡି ସୁପ୍ରିମୋ ମୁଖ୍ୟମନ୍ତ୍ରୀଙ୍କୁ ଆନ୍ଦୋଳନର ରୂପରେଖ ସଂପର୍କରେ ବୁଝାଇଥିଲେ । ଏହି ଆନ୍ଦୋଳନକୁ ଆଗକୁ ନେବାକୁ ଗ୍ରୀନ ସିଟନାଲ ନବୀନ ଦେଇସାରିଥିବା ସୂଚନା ମିଳିଛି । ବିଧାନସଭା ଅଧିବେଶନ ପରେ ମହାନଦୀ ସମସ୍ୟାକୁ ନେଇ ଗାଁକୁ ଯିବେ ବିଜେଡି ନେତାଏ । ମହାନଦୀ ଉପକୂଳିଆ ୧୫ ଜିଲ୍ଲାର ଗାଁରେ ଲୋକଙ୍କ ସହ ନେତାଏ ରାତି କାଟିବେ । ମହାନଦୀ ସମସ୍ୟା ଓ ଓଡିଶା ବିରୋଧରେ କେନ୍ଦ୍ର ଓ ଛତିଶଗଡର ବିଜେପି ସରକାର କରିଥିବା ଷଡଯନ୍ତ୍ର ସଂପର୍କରେ ଗାଁ ଗାଁ ବୁଲି ସଚେତନକରିବେ ଦଳର ନେତା ଓ କର୍ମୀ । ଏନେଇ ଖୁବ ଶିଘ୍ର ଚୂଡାନ୍ତ ରୂପରେଖ ଘୋଷଣା କରାଯିବ ବୋଲି କହିଛନ୍ତି ସାଂସଦ ପ୍ରସନ୍ନ ଆଚାର୍ଯ୍ୟ ।
ମହାନଦୀ ଆନ୍ଦୋଳରେ କଂଗ୍ରେସ ଏଣ୍ଟ୍ରି ମାରିବ ବୋଲି ନୂଆ ଟିମ ଘୋଷଣା କରି ସାରିଛି । ପଶ୍ଚିମ ଓଡିଶାରେ ମହାନଦୀ ଆନ୍ଦୋଳନ ଖୁବଶିଘ୍ର ହେବ ବୋଲି କଂଗ୍ରେସର କାର୍ଯ୍ୟକାରୀ ସଭାପତି ବିଧାୟକ ନବଦାସ ଘୋଷଣା କରିଛନ୍ତି । ତାହା ପୂର୍ବରୁ ମହାନଦୀ ଆନ୍ଦୋଳନକୁ ହାଇଜାକ ହେବାକୁ ନଦେଇ ନିଜ ଆନ୍ଦୋଳନକୁ ଯୋର କରିବ ବିଜେଡି । ହେଲେ ରାଜ୍ୟର ସରକାରୀ ଦଳର ଏପରି ଆନ୍ଦୋଳନକୁ ନେଇ ଜବାବ ରଖିଛନ୍ତି ବିରୋଧୀ । କଂଗ୍ରେସ କହିଛି ସରକାର ଯେତେବେଳେ ଯାହା କରିବା କଥା କଲେନି । ବିଧାନସଭାରେ ମହାନଦୀ ପ୍ରସଙ୍ଗରେ ଟ୍ରିବ୍ୟୁନାଲ ଗଠନ ନେଇ ସର୍ବ ସମ୍ନତି ପ୍ରସ୍ତାବ ପାରିତ ହୋଇଥିଲା । ସରକାର ସେଥିରେ ସଫଳତା ପାଇବା ପରେ ସବୁ ଭୁଲିଗଲେ । ଏବେ ସରକାରି ଦଳ ଆନ୍ଦୋଳନକୁ ଗଲେ କିଛି ଲାଭ ହେବନି ଲୋକେ ସବୁ ଜାଣିଛନ୍ତି ବୋଲି କହିଛନ୍ତି ବିରୋଧୂ ଦଳ ନେତା ନରସିଂହ ମିଶ୍ର । ସେପଟେ ବିଜେପି ସାଧାରଣ ସଂପାଦକ ପୃର୍ଥ୍ବୀରାଜ ହରିଚନ୍ଦନ କହିଛନ୍ତି । ମହାନଦୀ ପ୍ରସଙ୍ଗରେ ରାଜ୍ୟ ସରକାର ଲୋକଙ୍କୁ ଭକୁଆ ବନେଇବାକୁ ଚେଷ୍ଟା କରୁଛନ୍ତି ।
ମହାନଦୀ ଜଳ ସମସ୍ୟା ରାଜ୍ୟର ସାଧାରଣ ଲୋକଙ୍କ ସହ ଯୋଡି ହୋଇ ରହିଛି । କେନ୍ଦ୍ର ଓ ଛତିଶଗଡ ବିରୋଧରେ ନ୍ୟାୟିକ ଲଢେଇ ଲଢୁଛନ୍ତି । ଟ୍ରିବ୍ୟୁଲାନ ଗଠନ ହୋଇଛି । ହେଲେ ଆଗକୁ ନିର୍ବାଚନ ଥିବାରୁ ମହାନଦୀ ପ୍ରସଙ୍ଗ ଏବେ ରାଜ୍ୟ ରାଜନୀତିରେ ମହା ପ୍ରସଙ୍ଗ ହୋଇରହିଛି ।

ONA

Leave a Reply

Top